Májilistiń jalpy otyrysynda QR Aýyl sharýashylyǵy birinshi vitse-ministri Aidarbek Saparov aýyl mańyndaǵy jaiylym tapshyǵy máselesi qalai sheshiletinin aitty, dep habarlaidy QazAqparat.
Aita keteiik , búgin palatanyń jalpy otyrysynda «Qazaqstan Respýblikasynyń keibir zańnamalyq aktilerine jer qatynastaryn damytý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Qazirgi zań jobasynda aýyldyń mańyndaǵy jaiylym jerler aýyldyń malyn baǵý úshin bólinetin bolady. Biraq maldyń sanyna bailanysty shekarasy belgilenedi. Eger ol jer buryn bireýge jekemenshikke berilse, onda ony baǵalaý júrgiziledi. Sodan qaita satyp alynady. Sondai-aq bul jer jalda bolsa, onda dál osyndai alqaptaǵy jer basqa egistikten beriledi. Infraqurylymdyq shyǵyndar tirkelse (qudyq nemese basqa nysandar), bunyń barlyǵy baǵalanyp, shyǵyny qaitarylady. Meniń oiymsha, bul jaqsy sheshim bolady. Búginde mal baǵatyn jer problema ekeni belgili», - dedi birinshi vitse-ministr Májilistiń jalpy otyrysynda.
Zań jobasynyń negizgi ózgeristeri men tolyqtyrýlary:
- qazaqstandyqtarǵa jáne qazaqstandyq zańdy tulǵalarǵa aýyl sharýashylyǵy maqsatyndaǵy jerlerdi 49 jylǵa deiingi merzimge jalǵa berý;
- Jer resýrstaryn basqarý komitetine jerdi paidalaný men qorǵaýdy memlekettik baqylaý fýnktsiialaryn ákimdikterden qaitarý;
- aýyl sharýashylyǵy jerleriniń nysanaly maqsatyn «baǵbandyq» jáne «saiajai qurylysyna» ózgertýge tyiym salý;
- halyqtyń muqtajyn qanaǵattandyrý maqsatynda, jergilikti jaǵdailardy eskere otyryp, jaiylymdardy basqarý jónindegi josparlarda, qajetti jaiylym alqabynyń shekarasyn aiqyndaý;
- aýyl sharýashylyǵy maqsatyndaǵy jerlerdi jeke menshikke berýge moratoriidiń qoldanylý merzimin 2026 jylǵy 31 jeltoqsanǵa deiin uzartý.
