«AMANAT» partiiasy Qyzylorda oblystyq filialy atynan QR Parlamenti Májilisi men oblystyq máslihaty depýtattyǵyna kandidattar Aqsýat aýyldyq okrýginde bolyp, turǵyndarymen kezdesti. Jiyn barysynda úmitkerler partiianyń sailaýaldy baǵdarlamasyn tanystyryp, aýylǵa kóńil bólý jáne onyń jaǵdaiyn jaqsartý – basty mindet ekendigin alǵa tartty.
Aýyl - qazaqtyń altyn uiasy. Óńir ekonomikasyn damytýda aýyldyń áleýetin kóterýdiń mańyzy joǵary. Aimaqta atalǵan baǵyttaǵy jumystar belsendi iske asyrylýda. Máselen, biyl Aqsýat aýylynda sport kesheni boi kóterýde. Nysan qurylysy 2022 jyly bastalǵan bolatyn. Atalǵan ǵimarat zamanaýi qondyrǵylarmen qamtylyp, sportshylardyń jattyǵýy úshin barlyq jaǵdai jasalmaq. Iaǵni, taiaýda aýyl balalary sporttyń birneshe túrimen ainalysa alady. Munan bólek, aýyldyq okrýgte buǵan deiin úsh sport jáne balalar oiyn alańdary salynǵan.
Kezdesýde oblystyq máslihat depýtattyǵyna úmitker Nurbolat Ibraev «Aýyldy jaqsarta almasaq, bárimizge syn» dep, aýyldyq eldi mekenderdi damytýǵa baǵyttalǵan jobalar jóninde pikir bildirdi.
«Qazaqta «Árkimniń týǵan jeri – Mysyr shahary» degen sóz bar. Týǵan aýylynyń túlegenin bári qalaidy. Alaida «keleshegi joq aýyl» degen sóz jii estilgen saiyn aýylda malyn baǵyp, sharýasyn dóńgeletip otyrǵan halyqtyń boiyn úrei bilei bastady. Álbette, árkim óziniń qalaǵan jerine qonystanýǵa erikti. Biraq «keleshegi joq aýyl» dep at qoiǵannan keiin halyqtyń kóńili ornyqpaidy. Ásirese, mundai aýylǵa jastar turaqtamaidy. Jastar ketken soń, aýyl «qartaiyp», oidaǵydai jumys istep turǵan sharýashylyqtar órkendemei, quryp tynary aqiqat. Sondyqtan, aýyl ekonomikasyn nyǵaityp, ony damytý - bizdiń túpkilikti maqsatymyz. Jáne de ol quptarlyq is dep bilemin», - dedi ol.
«Negizi otbasylyq kásipti bastaýǵa qolaily jer – aýyl. Sondai-aq aýylda óńdeý jumystaryn arttyrýǵa múmkindik bar. Jalpy, aýyl ekonomikalyq damýdyń draiverine ainala alady. Sondyqtan batyl qadamdar jasaý kerek. Sol úshin azamattardyń naqty tabysyn arttyrý, eńbek jaǵdaiy men jumys ornyndaǵy qaýipsizdikti kúsheitý – bizdiń negizgi mindetimiz», - dedi kandidat Aida Abibýllaeva.
Jiyn sońynda aýyl turǵyndary agroónerkásipti damytý, áleýmettik qamsyzdandyrý máseleleri jóninde suraqtaryn qoiyp, jaýap aldy.
Qyzylorda oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy sailaý qorynyń qarajatynan tólendi
