Biyl «Aýyl - el besigi» jobasy aiasynda 480 aýyldy damytýǵa 106 mlrd teńge bólindi. Bul týraly atalǵan jobanyń oryndalýy jaiynda baiandaǵan QR Ulttyq ekonomika ministri Áset Erǵaliev aitty, dep habarlaidy QazAqparat.
«Biyl «Aýyl - el besigi» jobasy aiasynda 480 aýyldy damytýǵa 106 mlrd teńge bólindi. Osy jyldyń 1 qazanyna qarjylandyrý josparyna sáikes igerilgeni 96 paiyzdy quraidy. Búginde keibir óńirlerde aiaqtalǵan jobalardyń úlgileri bar. Máselen, Qostanai oblysynyń Uzynkól aýylynda dene shynyqtyrý-saýyqtyrý kesheni salyndy», - dedi ministr Úkimet otyrysynda.
Onyń atap ótýinshe, Pavlodar oblysynyń Qyzyljar aýylynda aýysymyna 100 kelýshige arnalǵan dárigerlik ambýlatoriia paidalanýǵa berildi. Qyzylorda oblysynda Jalaǵash aýylyndaǵy joldarǵa jóndeý jumystary júrgizildi. Jambyl oblysynda Aisha-bibi aýylyndaǵy mekteptiń kúrdeli jóndeý jumystary aiaqtaldy.
«Jalpy, 2019-2021 jyldary memlekettik baǵdarlamalar boiynsha jáne jeke investitsiialar esebinen aýyldyq aýmaqtardy damytýǵa 1,2 trln teńge baǵyttaldy», - dedi Áset Erǵaliev.
