بيىل «اۋىل - ەل بەسٸگٸ» جوباسى اياسىندا 480 اۋىلدى دامىتۋعا 106 ملرد تەڭگە بٶلٸندٸ. بۇل تۋرالى اتالعان جوبانىڭ ورىندالۋى جايىندا بايانداعان قر ۇلتتىق ەكونوميكا مينيسترٸ ەسەت ەرعاليەۆ ايتتى, دەپ حابارلايدى قازاقپارات.
«بيىل «اۋىل - ەل بەسٸگٸ» جوباسى اياسىندا 480 اۋىلدى دامىتۋعا 106 ملرد تەڭگە بٶلٸندٸ. وسى جىلدىڭ 1 قازانىنا قارجىلاندىرۋ جوسپارىنا سەيكەس يگەرٸلگەنٸ 96 پايىزدى قۇرايدى. بٷگٸندە كەيبٸر ٶڭٸرلەردە اياقتالعان جوبالاردىڭ ٷلگٸلەرٸ بار. مەسەلەن, قوستاناي وبلىسىنىڭ ۇزىنكٶل اۋىلىندا دەنە شىنىقتىرۋ-ساۋىقتىرۋ كەشەنٸ سالىندى», - دەدٸ مينيستر ٷكٸمەت وتىرىسىندا.
ونىڭ اتاپ ٶتۋٸنشە, پاۆلودار وبلىسىنىڭ قىزىلجار اۋىلىندا اۋىسىمىنا 100 كەلۋشٸگە ارنالعان دەرٸگەرلٸك امبۋلاتورييا پايدالانۋعا بەرٸلدٸ. قىزىلوردا وبلىسىندا جالاعاش اۋىلىنداعى جولدارعا جٶندەۋ جۇمىستارى جٷرگٸزٸلدٸ. جامبىل وبلىسىندا ايشا-بيبٸ اۋىلىنداعى مەكتەپتٸڭ كٷردەلٸ جٶندەۋ جۇمىستارى اياقتالدى.
«جالپى, 2019-2021 جىلدارى مەملەكەتتٸك باعدارلامالار بويىنشا جەنە جەكە ينۆەستيتسييالار ەسەبٸنەن اۋىلدىق اۋماقتاردى دامىتۋعا 1,2 ترلن تەڭگە باعىتتالدى», - دەدٸ ەسەت ەرعاليەۆ.
