«Aýyl - el besigi» jobasyn qarjylandyrý kólemi 800 mlrd teńgege deiin ulǵaityldy. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Aldaǵy 4 jylǵa «Aýyl - el besigi» jobasyn qarjylandyrý kólemi 800 mlrd teńgege deiin ulǵaityldy. Jalpy, ulttyq jobalardy eskersek – aýyldardy jańǵyrtýǵa 1,3 trln teńge josparlanyp otyr», - dedi Asqar Mamin.
Úkimet basshysynyń dereginshe, 2025 jyly aýyldyq jerlerdi sýmen jabdyqtaý qyzmetterimen 100 paiyz qamtýǵa qol jetkiziledi. Kent ishindegi 10 myń shaqyrym jol jaqsartylady. 12 myń shaqyrym injenerlik jeli, 1,1 myń densaýlyq saqtaý nysany, 1,7 myń sport, 1,5 myń mádeniet nysany salynyp, jóndeledi. 5 myń aýyl mektebi jańǵyrtylady.
«Eńbek ónimdiligi 2,5 ese ósedi, 500 myń jumys orny qurylady jáne 1 mln aýyl turǵyny óz tabysyn arttyra alady. «Aýyl - El besigi» jobasynyń is-sharalary - aýyl turǵyndarynyń ómir súrý sapasy men ál-aýqatyn aitarlyqtai jaqsartady jáne aýyldyq aýmaqtardyń damýyna jańa serpin beredi», - dedi Premer-Ministr.
