«اۋىل - ەل بەسٸگٸ» جوباسىن قارجىلاندىرۋ كٶلەمٸ 800 ملرد تەڭگەگە دەيٸن ۇلعايتىلدى. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«الداعى 4 جىلعا «اۋىل - ەل بەسٸگٸ» جوباسىن قارجىلاندىرۋ كٶلەمٸ 800 ملرد تەڭگەگە دەيٸن ۇلعايتىلدى. جالپى, ۇلتتىق جوبالاردى ەسكەرسەك – اۋىلداردى جاڭعىرتۋعا 1,3 ترلن تەڭگە جوسپارلانىپ وتىر», - دەدٸ اسقار مامين.
ٷكٸمەت باسشىسىنىڭ دەرەگٸنشە, 2025 جىلى اۋىلدىق جەرلەردٸ سۋمەن جابدىقتاۋ قىزمەتتەرٸمەن 100 پايىز قامتۋعا قول جەتكٸزٸلەدٸ. كەنت ٸشٸندەگٸ 10 مىڭ شاقىرىم جول جاقسارتىلادى. 12 مىڭ شاقىرىم ينجەنەرلٸك جەلٸ, 1,1 مىڭ دەنساۋلىق ساقتاۋ نىسانى, 1,7 مىڭ سپورت, 1,5 مىڭ مەدەنيەت نىسانى سالىنىپ, جٶندەلەدٸ. 5 مىڭ اۋىل مەكتەبٸ جاڭعىرتىلادى.
«ەڭبەك ٶنٸمدٸلٸگٸ 2,5 ەسە ٶسەدٸ, 500 مىڭ جۇمىس ورنى قۇرىلادى جەنە 1 ملن اۋىل تۇرعىنى ٶز تابىسىن ارتتىرا الادى. «اۋىل - ەل بەسٸگٸ» جوباسىنىڭ ٸس-شارالارى - اۋىل تۇرعىندارىنىڭ ٶمٸر سٷرۋ ساپاسى مەن ەل-اۋقاتىن ايتارلىقتاي جاقسارتادى جەنە اۋىلدىق اۋماقتاردىڭ دامۋىنا جاڭا سەرپٸن بەرەدٸ», - دەدٸ پرەمەر-مينيستر.
