«Aýyl» partiiasy aýyl áielderiniń eńbekpen qamtylý máselesin kóterdi, dep habarlaidy "Ult aqparat".
«Birikken ulttar uiymy málimetine sáikes áielderdiń qoǵamdaǵy róli ekologiialyq problemalardan keiin ekinshi turǵan másele eken. Memleketimizde shyǵys elderine tán túsinik basym bolǵandyqtan áielder qaýymy tek otbasynda ǵana belsendi bolý kerek degen uǵym bar. Árine, bir qolymen álem terbetkenderdiń qoǵam qalyptastyrýda orny erekshe ekendigin eskersek, áielderdi saiasatqa da, ekonomikaǵa da belsene qatysýǵa keide qimaimyz. Dese de, qazirgi zamannyń talaby basqa. Áielder erlerge qaraǵanda janashyrlyq pen tazalyqqa birtaban jaqyn turady. Al sol áiel qaýymyna memleket tarapynan qanshalyqty jaǵdai jasalǵan?» dep jazady partiia resmi Instagram paraqshasynda.
Partiia osy máselege orai elimizdegi statistikany jariialady. Onda aýyl áielderiniń jumyspen qamtylý kórsetkishi erekshe nazarǵa alynǵan. Oǵan sensek, aýyl áielderiniń basym kópshiligi, iaǵni 25,1 paiyzy - úi sharýasyndaǵy analar. 22,9 paiyzy biýdjettik juiymda jumys isteidi.
