Foto: okg.kz
Memleket basshysynyń tapsyrmasymen el kóleminde iske asyrylyp jatqan «Aýyl amanaty» baǵdarlamasy aýyl turǵyndaryna mol múmkindik syilaǵan bastama. Sebebi, osy baǵdarlamanyń igiligin kórgen turǵyndardyń biri jańadan kásip bastasa, biri kásipornyn keńeitip, ál-aýqatyn jaqsartyp jatyr. Demek, halyqty agrarlyq bizneske tartý jáne aýyl sharýashylyǵy ónimderin molaitý maqsatyndaǵy memlekettik joba josparǵa sai oryndalý ústinde.
Atap aitar bolsaq, biyl Túrkistan óńirinde 160 joba tolyqtai qarjylandyrylyp, 1,1 milliard teńge igerilgen. Atalǵan jobalar balyq, qus jáne mal sharýashylyǵyn jandandyrý, kásiporyndar men
kooperativterdi tehnikamen qamtý, jeńil ónerkásip syndy birneshe baǵytqa negizdelgen. Olardyń arasynda erekshe ónim óndirip, mol suranysqa ie bolǵandary da bar.
Túrkistan ÁKK AQ-nyń qarjy jáne «Aýyl amanaty» baǵdarlamasynyń monitoringi jónindegi basqarýshy direktory Nurlybek Isaevtyń aitýynsha, baǵdarlamaǵa 16 aýdandaǵy 64 aýyldyq okrýgtiń turǵyndary qatysty. Kooperativterdi qajetti qural-jabdyqpen qamtamasyz etýge basymdyq berilgen. Sonymen qatar, biyl ótinishterdi elektrondy túrde qabyldaý júiesi iske qosylǵan. Onlain qabyldaý júiesi – kásipkerlerdiń ýaqytyn tiimdi paidalanyp, qoljetimdilikti arttyrýǵa septigin tigizip jatyr eken.
Aita ketsek, 2023 jyly atalǵan baǵdarlama aiasynda Túrkistan óńiriniń turǵyndary úshin respýblikalyq biýdjetten 19,8 mlrd. teńge bólingen edi. Nátijesinde 6 baǵyt boiynsha 3200-den asa joba qarjylandyrylyp, biznes bastamalar júzege asyryldy. Odan bólek, kásipkerlik salasynda 3413 jańa jumys orny ashyldy. Jalpy, byltyrǵy jospardyń oryndalý kórsetkishi 103 paiyzdy quraǵan. Sáikesinshe baǵdarlama aiasynda óndirilgen ónim kólemi boiynsha Túrkistan óńiri respýblika boiynsha kósh basynan kórindi. Iaǵni túrkistandyqtar «Aýyl amanatynyń» igiligin kórip jatyr deýge tolyqtai negiz bar.
Daiyndaǵan B.Meiirhanuly.
