Shyǵys Qazaqstannyń Glýbokoe aýdanyna qarasty Maloýbinka aýyldyq okrýginiń ákimi 11 jastaǵy qyzdy órtten aman alyp qaldy, dep habarlaidy QazAqparat tilshisi.
ShQO Tótenshe jaǵdailar departamentiniń málimetine qaraǵanda, oqiǵa tún ortasynda bolǵan. Kórshi úidiń janyp jatqanyn kórgen aýyldyq okrýg ákimi Sergei Somov aýladan úi iesin jolyqtyrady. Aýyzǵy úi janyp jatqandyqtan, ájei ishte qalǵan 11 jastaǵy qyzǵa kómektese almai turǵanyn aitady. Ákim terezeni shaǵyp kirip, edende es-tússiz jatqan qyzdy alyp shyqqan. S.Somovtyń áieli jasandy jolmen dem bergen kezde ǵana qyz esin jiǵan.
«Bala úide essiz jatqan. Sergei Somov qyzdy qoiý tútin arasynan tapqan. Qyzyl jalyn 70 sharshy metr úidi otqa orady. Otbasy-dárigerlik ambýlatoriianyń qyzmetkerleri zardap shekkenderdi Óskemen qalasyna jetkizdi. Qyz bala áýeli jan saqtaý bólimine jetkizilgen bolatyn. Al ájesi ýlanyp, denesiniń 30 paiyzyn kúiik shalǵan. Qazir ekeýiniń de jaǵdaiy turaqty», - delingen departamenttiń baspasóz qyzmeti taratqan aqparatta.
