Aýyl ákimderin sailaý osy jyldyń shilde aiynyń sońǵy 10 kúni ishinde ótýi tiis. Bul jaiynda QR Ulttyq ekonomika ministrliginen málim etti, dep habarlaidy QazAqparat.
Vedomstvo málimetinshe, sailaý 2021 jyldyń tamyz aiynan bastap ókilettigi aiaqtalatyn ákimderge qatysty bolady. Bul rette sailaý 40 kún buryn jariialanady. Al sailaýdyń ózi is basyndaǵy ákimniń ókilettik merzimi aiaqtalǵanǵa deiin 10 kún buryn ótedi.
«Osylaisha, alǵashqy tikelei sailaý osy jyldyń shilde aiynyń sońǵy onkúndiginde ótýi tiis. Bul rette kandidattardy usyný sailaý jariialanǵannan keiin kelesi kúni bastalady jáne sailaý ótkiziletin kúnge deiin 15 kún buryn aiaqtalady. Iaǵni uzartý merziminiń uzaqtyǵy 14 kúnge deiin jetýi múmkin. Osy ýaqyt ishinde kandidat tirkeýge qajetti qujattardy jinaýmen ainalysady», - dedi ministrlikten.
Kandidattardy tirkeý sailaý kúninen 10 kún buryn aiaqtalady. Osy kezeńde aýmaqtyq sailaý komissiiasy usynylǵan qujattardyń durystyǵyn tekseredi. Sailaý kúniniń aldyndaǵy sońǵy onkúndikte úgit-nasihat is-sharalary, tirkelgen kandidattar týraly buqaralyq aqparat quraldarynda jariialanymdar jáne sailaýǵa daiyndyq júzege asyrylady.
«Sailaý ótkizilgennen keiin úsh kún ishinde qorytyndy shyǵarylady, jeti kún ishinde sailanǵan ákimdi tirkeý júzege asyrylady. Bul rette sailanǵan ákimniń ókilettigi ony tiisti aýmaqtyq sailaý komissiiasy tirkegen kezden bastalady», - dep túsindiredi vedomstvodan.
