QR Ortalyq sailaý komissiiasynyń múshesi Erlan Daýylbaev aýyl ákimderin sailaý úshin qandai jaittar negiz bolatynyn aitty, dep habarlaidy QazAqparat.
«Sailaý» týraly Konstitýtsiialyq zańnyń 113-1 babyna sáikes, sailaý taǵaiyndaý úshin mynalar negiz bolyp tabylady. Birinshi - aýdandyq mańyzy bar qala, aýyl, kent, okrýg ákiminiń zańmen belgilengen ókilettilik merziminiń aiaqtalýy. Ekinshi - aýdandyq mańyzy bar qala, aýyl, kent, okrýg ákimi ókilettigin merziminen buryn toqtatý nemese zańda belgilengen jaǵdailarda tiisti ákimshilik aýmaqtyq birlikti qaita uiymdastyrý», - dedi ol OSK otyrysynda.
Onyń atap ótýinshe, «Sailaý» týraly Konstitýtsiialyq zańǵa sáikes, sailaýdy aýmaqtyq sailaý komissiialary keminde 40 kún buryn taǵaiyndaidy jáne jumys istep otyrǵan ákimniń ókilettik merzimi aiaqtalǵanǵa deiin keminde 10 kún buryn ótkizedi.
«Ákimniń ókilettiligi merziminen buryn toqtatylǵan jaǵdaida sailaý taǵaiyndalǵan kúnnen bastap 1 ai ishinde taǵaiyndalady jáne 1 ai merzimde ótkiziledi. Iaǵni, naýqan uzaqtyǵy - 1 ai, usyný úshin - 2 apta, tirkeý kezeńi 10 kún buryn aiaqtalady. Sailaý kúni týraly habar jergilikti BAQ-ta jariialanady», - dedi Erlan Daýylbaev.
