QR Tuńǵysh Prezidentiniń burynǵy keńesshisi, saiasatker jáne diplomat Ermuhambet Ertisbaev Prezident Joldaýyna pikir bildirdi, dep habarlaidy QazAqparat.
«Meniń oiymsha Joldaýda saiasatpen tyǵyz bailanysty qýatty bastamalar aityldy. Onyń Prezident janyndaǵy reformalar jónindegi Joǵary Keńes pen Prezidentke tikelei baǵynatyn Strategiialyq josparlaý jáne reformalar jónindegi agenttik qurý týraly sheshimin alaiyq. Prezident Úkimettiń – bilik organy ekenin jáne azamattyq sektormen tyǵyz yntymaqtastyqta jumys isteýi kerektigin aitýda. Máselen, turaqty túrde rotatsiia ótetin Ulttyq qoǵamdyq senim keńesi nemese Prezident janyndaǵy taldaý jáne monitoring ortalyǵy Prezident janyndaǵy Joǵary keńestiń negizi bola alady dep oilaimyn», - dedi E. Ertisbaev «Habar 24» telearnasyna bergen suhbatynda.
Spiker Prezidenttiń aýyl ákimderin sailaý týraly usynysyna pikir berdi.
«Kóptegen adamdar Prezident Q. Toqaevtyń absoliýtti biligi bar dep oilaidy jáne ol saiasi jańǵyrtý turǵysynda kez kelgen nárseni jasai alady dep esepteidi. Shyn máninde meniń oiymsha, Memleket basshysy narazylyqqa erte tap bolyp otyr. Burynǵydai bilik eldimekender ákimderin sailaýǵa senbeidi jáne qalamaidy, men 84 qala men monoqalalardy aityp otyrmyn. Aýyl ákimderiniń sailanýy týraly 15 jyl buryn estigen edim. Bastamalar jasaldy da. Memleket basshysynyń sailaýdy uiǵarǵany jaqsy boldy. Bul sailaý odan keiin de keń taralady dep úmittenemin. Ol úshin qoǵam áldeqashan pisip-jetildi. Men qazaqstandyq qoǵamdy bilimdi jáne saýatty, onyń ishinde saiasi turǵydan da saýatty dep sanaimyn», - deidi saiasatker.
Sonymen birge, E. Ertisbaev Prezidenttiń 2021 jyldyń sońyna deiin memlekettik apparatty 25% qysqartý tapsyrmasyn da atap ótti.
«Qazir sheneýnikterdiń bul qadamǵa narazy ekenin bilemin. Memleket basshysynyń qatań nusqaý bergenine qaramastan, buǵan qatty qarsylyq bolady. Barlyǵy memlekettik apparattyń shynymen ulǵaitylǵanyna kóz jetkizdi», - deidi spiker.
«Prezident Toqaevtyń búgingi aitqandary jańa ideia emes. Ózi de Prezident N. Nazarbaevtyń strategiialyq baǵytyn jalǵastyrýdyń jeke jáne memlekettik basymdyǵy ekenin birneshe ret atap ótti. Sondyqtan, kóptegen nárse 2015 jyly belgilengen bes institýtsionaldyq reformaǵa negizdelgen. Quqyqtyq memleketke, zań ústemdigine kóp kóńil bólindi», - dedi Ermuhambet Ertisbaev.
