Semeide qaiyrymdylyq aktsiiasy aiasynda Abai aýdany turǵyndary meditsina qyzmetkerleri men koronavirýs infektsiiasyn juqtyrǵan naýqastarǵa qymyz ákeldi, dep habarlaidy "Ult aqparat" qalalyq aqparat ortalyǵyna silteme jasap.
Osyndai qiyn kezeńde kún saiyn qaýipti virýspen kúresip jatqan meditsina qyzmetkerleri men COVID-19 juqtyrǵan naýqastarǵa Sarjal aýylynyń turǵyndary qoldaý kórsetken. Ortalyq meshit aldynda volonter-kásipkerler jinalyp aktsiia bastady. Oǵan aýyl turǵyndary da qosylyp, nátijesinde 1000 litr qymyz jinalǵan.
«Aýylymyzdyń turǵyndary birigip, qymyz jinady. Aktsiiaǵa shamamen 90 adam qatysqan. Barlyǵy múmkindiginshe qymyz bergen. Bireýler 10 litr qossa, keibiri odan kóbirek sýsynyn syiǵa tartqan. Adamdar syrqattanyp jatqan qiyn kezeńde biz olarǵa qoldaý kórseteiik dep sheshtik. Óitkeni qymyz adam aǵzasyna óte paidaly jáne túrli aýrýdy emdeýde qoldanylady», deidi aktsiiaǵa qatysýshylardyń biri, kásipker – Methat Mýsin.
Jinalǵan qymyz barlyq qalalyq aýrýhanalarǵa jiberiledi. Semei aýdanynyń bas imamy Asqar Ábitaiulynyń aitýynsha, qymyz mindetti túrde dárigerler men naýqastardyń immýnitetin kóterýge kómektesedi.
«Qazir elimizde «Ómirge úmit syila» - «Podari nadejdý na jizn» aktsiiasy ótip jatyr. Aktsiia aiasynda aýrýhanalarǵa dári-dármek pen basqa da qajetti zattar jetkizilýde. Qazir dárigerler men infektsiiaǵa shaldyqqandardyń immýnitetin kóterý úshin Sarjal aýylynyń turǵyndary jinaǵan qymyzdy taratyp jatyrmyz. Qymyz – turǵyndardyń poligon kezinde de aman qalýyna kómektesken erekshe, tipti qasietti sýsyn deýge bolady. Qymyzdy qalalyq aýrýhanalarǵa tegin taratamyz. Osyndai aktsiialar jalǵasyn tabady dep senemiz», - dep tolyqtyrdy imam.
