Foto: Getty images / iStockphoto
Aqtóbe oblysynda qarjy piramidasyn uiymdastyrýshylar uzaq merzimge bas bostandyǵynan aiyryldy. Atalǵan faktini QMA aýmaqtyq departamenti tergedi, - dep habarlaidy "Ult aqparat" Qarjylyq monitoring agenttigine silteme jasap.
2022 jyldyń naýryz aiynda D.I. Dáýletov, A.T. Janasaevtyń jetekshiligimen quramynda K.A. Qudasov, O. B. Jailaýbai jáne basqa da tulǵalar bar qylmystyq top «Auto Seller» JShS degen atpen avtokólik quraldaryn joǵary baǵamen satyp alyp, tómen baǵamen satýmen ainalysatyn qyzmetti búrkemelep, qarjy piramidasyn qurǵan.
«Auto Seller» JShS basshylary avtokólik ielerine (tirkeý esebine qaramastan) eki-úsh ai ishinde teń bóliktermen tólei otyryp, notarialdy kýálandyrylmaǵan satyp alý-satý sharttaryn jasasyp, olardyń avtokólikterin 20%-ǵa qymbat satyp alýdy usynǵan.
Osydan keiin bul avtomobilder kólikti satýdy júzege asyratyn jańa tulǵalarǵa aqshalai qarajatty odan ári tóleý maqsatynda úshinshi tulǵalarǵa tómendetilgen baǵamen satylǵan.
"Satyp alý-satý sharttaryna sáikes zalal somasy 404 mln teńgeni qurady.
Sot D.I. Dáýletovty 9 jylǵa, A.T. Janasaevty 8 jylǵa, K.A. Qudasovty 7 jylǵa jáne O.B. Jailaýbaidy 7 jylǵa bas bostandyǵynan aiyrýǵa úkim shyǵardy.
Úkim zańdy kúshine engen joq" - delingen habarlamada.
