Aýstraliia astanasy aýmaǵy (AEA) biligi Kanberranyń ońtústiginde qatty órtke bailanysty tótenshe jaǵdai jariialady, – dep habarlaidy QazAqparat VVS-ge silteme jasap.
Sheneýnikterdiń aitýynsha, bul sońǵy onjyldyqtaǵy eń qaýipti órt bolyp otyr. Órt aýmaqtyń ońtústiginde 18 500 gektar aýmaqty sharpyǵan. Kanberra qalasynyń mańyndaǵy turǵyndardy evakýatsiiaǵa daiyn bolýǵa shaqyrdy. Sidnei men Melbýrn arasynda ornalasqan shaǵyn aýdanda 400 myń adam turady. 2003 jyly Kanberra qalasynyń mańyndaǵy orman órtinen tórt adam qaza taýyp, 500-den astamy zardap shekti jáne 470 úi qirady.
«Qazir elorda aýmaǵyna orman órtine bailanysty qaýip tónip tur», - dep málimdedi juma kúni elorda óńiriniń bas ministri Endriý Barr.
«Qazirgi ýaqytta elorda aýmaqtyq úkimeti úshin orman órtiniń qaýpinen basqa mańyzdy másele joq».
Barr myrza órttiń «baǵynbai ketýi múmkin ekenin» eskertti, sebebi aýa temperatýrasy jelmen birge 40 gradýsqa deiin kóterildi. Ol orman órtiniń Taggeranong aýdanynan ońtústikke qarai Kanberra parlamenti ǵimaratynan 20 minýttyq jerde qatty bolǵanyn aitty.
Barr órt sóndirý organdaryna qosymsha kúsh, qural jáne resýrs beretin tótenshe jaǵdaidyń «Kanberraǵa qaýip tónip turǵanǵa deiin» jalǵasatynyn málim etti. Ótken beisenbide Kanberra áýejaiynyń aýmaǵyna órt jaqyndaǵandyqtan jabylǵan edi.
Úsh amerikalyq órt sóndirýshi qalaǵa jaqyn mańda orman órtin sóndirip jatyp, ushaqtyń apatqa ushyraýy saldarynan qaza tapty. Aýstraliiada qyrkúiektiń basynan beri orman órtinen 33 adam mert bolyp, myńdaǵan úi qirady. 11 millionnan astam gektar jer janyp ketti.
