Qazaqstandyq Iýliia Pýtintseva Aýstraliia ashyq chempionatynyń úshinshi ainalymyna shyqty, dep habarlaidy "Ult aqparat".
Álemniń 28-raketkasy Iu.Pýtintseva ekinshi ainalymda dúniejúzilik reitingte 67-orynda turǵan belgiialyq Elison Van Eitvankpen sheberlik baiqasty.
Qarsylastar buǵan deiin úsh márte kezdesip, bárinde de Iu.Pýtintseva jeńiske jetken bolatyn.
Birinshi partiiada esep 3:3 bolǵan mezette qazaqstandyq tennisshi breik jasai aldy. Sodan keiin setke dop bergende, qatelesken joq – 6:4.
Esesine ekinshi sette belgiialyq sportshy breikpen alǵa shyqty – 2:0. Taǵy bir breik – 4:0. Aqyry ol sol basymdylyǵyn saqtap qaldy – 6:1.
Úshinshi, sheshýshi partiiada Iu.Pýtintseva breikpen alǵa ketti – 3:1. Aqyry ol matchty taǵy bir breikpen túiindedi – 6:2.
Tartysty báseke 1 saǵat 55 minýtqa sozyldy.
Iu.Pýtintseva úshinshi ainalymda álemniń 5-raketkasy, ýkrainalyq Elina Svitolina nemese reitingte 48-satydaǵy AQSh-tyń jas juldyzy, 16 jastaǵy Kori Gaýfftyń bireýimen kortqa shyǵady.
Taǵy bir qazaqstandyq Zarina Diias erteń álemniń 14-raketkasy, «Úlken dýlyǵa» týrniriniń eki dúrkin jeńimpazy, ispaniialyq Garbine Mýgýrýsamen oinaidy.
Eske sala keteiik, budan buryn Zarina Diiastyń úshinshi ainalymǵa shyqqanyn, Dmitrii Popko Italiiadaǵy týrnirdi sátti bastaǵanyn jazǵan bolatynbyz.
Sondai-aq Mihail Kýkýshkin juptyq synda Aýstraliia birinshiliginiń ekinshi ainalymyna shyqty.
Elena Rybakina úshinshi ainalymǵa shyǵa almady.
Aleksandr Býblik ekinshi oiynynda jeńilip qaldy.
