قازاقستاندىق يۋلييا پۋتينتسەۆا اۋسترالييا اشىق چەمپيوناتىنىڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 28-راكەتكاسى يۋ.پۋتينتسەۆا ەكٸنشٸ اينالىمدا دٷنيەجٷزٸلٸك رەيتينگتە 67-ورىندا تۇرعان بەلگييالىق ەليسون ۆان ەيتۆانكپەن شەبەرلٸك بايقاستى.
قارسىلاستار بۇعان دەيٸن ٷش مەرتە كەزدەسٸپ, بەرٸندە دە يۋ.پۋتينتسەۆا جەڭٸسكە جەتكەن بولاتىن.
بٸرٸنشٸ پارتييادا ەسەپ 3:3 بولعان مەزەتتە قازاقستاندىق تەننيسشٸ برەيك جاساي الدى. سودان كەيٸن سەتكە دوپ بەرگەندە, قاتەلەسكەن جوق – 6:4.
ەسەسٸنە ەكٸنشٸ سەتتە بەلگييالىق سپورتشى برەيكپەن العا شىقتى – 2:0. تاعى بٸر برەيك – 4:0. اقىرى ول سول باسىمدىلىعىن ساقتاپ قالدى – 6:1.
ٷشٸنشٸ, شەشۋشٸ پارتييادا يۋ.پۋتينتسەۆا برەيكپەن العا كەتتٸ – 3:1. اقىرى ول ماتچتى تاعى بٸر برەيكپەن تٷيٸندەدٸ – 6:2.
تارتىستى بەسەكە 1 ساعات 55 مينۋتقا سوزىلدى.
يۋ.پۋتينتسەۆا ٷشٸنشٸ اينالىمدا ەلەمنٸڭ 5-راكەتكاسى, ۋكراينالىق ەلينا سۆيتولينا نەمەسە رەيتينگتە 48-ساتىداعى اقش-تىڭ جاس جۇلدىزى, 16 جاستاعى كوري گاۋففتىڭ بٸرەۋٸمەن كورتقا شىعادى.
تاعى بٸر قازاقستاندىق زارينا ديياس ەرتەڭ ەلەمنٸڭ 14-راكەتكاسى, «ٷلكەن دۋلىعا» تۋرنيرٸنٸڭ ەكٸ دٷركٸن جەڭٸمپازى, يسپانييالىق گاربينە مۋگۋرۋسامەن وينايدى.
ەسكە سالا كەتەيٸك, بۇدان بۇرىن زارينا ديياستىڭ ٷشٸنشٸ اينالىمعا شىققانىن, دميتريي پوپكو يتاليياداعى تۋرنيردٸ سەتتٸ باستاعانىن جازعان بولاتىنبىز.
سونداي-اق ميحايل كۋكۋشكين جۇپتىق سىندا اۋسترالييا بٸرٸنشٸلٸگٸنٸڭ ەكٸنشٸ اينالىمىنا شىقتى.
ەلەنا رىباكينا ٷشٸنشٸ اينالىمعا شىعا المادى.
الەكساندر بۋبليك ەكٸنشٸ ويىنىندا جەڭٸلٸپ قالدى.
