Qazaqstandyq Mihail Kýkýshkin Aýstraliia ashyq chempionatynyń negizgi týrnirine joldama aldy, dep habarlaidy QazAqparat.
Dúniejúzilik reitingte 180-satyda turǵan 34 jastaǵy qazaqstandyq tennisshi irikteý saiystarynyń finalynda álemniń 141-raketkasy, 25-tegi amerikalyq Ernesto Eskobedomen kezdesti.
Birinshi partiiada M.Kýkýshkin 6:4 esebimen basymdylyq tanytsa, ekinshisinde E.Eskobedo qarymta qaiyrdy – 7:5.
Úshinshi, sheshýshi sette qazaqstandyq tennisshi sheberligin kórsete bildi – 7:5.
Úsh saǵatqa jýyq ýaqytqa sozylǵan tartysty báseke barysynda M.Kýkýshkin 10 eis jasap, 6 breik-pointtyń ekeýin paidalana bildi. Qarsylasy 9 eis, 1 breikpen (4 breik-point) shekteldi.
Osylaisha Aýstraliia ashyq chempionatyna áielder men erler arasynda Qazaqstannan úsh-úshten tennisshi qatysatyn boldy. Elena Rybakina, Iýliia Pýtintseva, Zarina Diiasqa qosa Aleksandr Býblik, M.Kýkýshkin jáne Timofei Skatov jekelei synda kortqa shyǵady.
Ótken jyly «Úlken dýlyǵa» jarysynda Býblik ekinshi, Kýkýshkin birinshi ainalymnan asa almaǵan edi.
