Jambyl oblysy Jýaly ortalyq aýdandyq aýrýhanasynyń laýazymdy tulǵalaryna qatysty aqsha iemdený faktisi boiynsha sotqa deiingi tergeý bastaldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń aǵa tergeýshisi Qaisar Barjaqsynov aitty, dep habarlaidy QazAqparat.
«Jambyl oblystyq sybailas jemqorlyqqa qarsy qyzmeti meditsina qyzmetkerleriniń shaǵymy boiynsha Jýaly aýdandyq ortalyq aýrýhanasynyń laýazymdy tulǵalaryna qatysty sotqa deiingi tergeý bastady», - dedi ol agenttiktiń baspasóz qyzmeti alańynda ótken brifing barysynda.
Onyń atap ótýinshe, tergeý COVID-19 pandemiiasy jaǵdaiynda epidemiiaǵa qarsy sharalar úshin osyǵan deiin eńbekaqyǵa aýdarylǵan qosymsha ústemaqydan aqsha iemdený faktisi boiynsha júrgizilip jatyr.
«QR Qylmystyq is júrgizý kodesiniń 201-babyna sáikes tergeý múddesi úshin ózge aqparat jariialanbaidy», - dedi Qaisar Barjaqsynov.
