Qostanai oblysynyń Áýliekól aýdanynda orman órtin sóndirý jumystary jalǵasyp jatyr, dep habarlaidy "Ult aqparat" TJM baspasóz qyzmetine silteme jasap.
"Órtti sóndirýge jeke quramnan 235 adam, 32 birlik tehnika, 3 áýe kemesi, 3 órt sóndirý poiyzy jumyldyryldy, onyń ishinde TJM - 14 birlik tehnika, jeke quramnan 61 adam, sýaǵar qurylǵylary bar 2 tikushaq; IIM - jeke quramnan 33 adam; Qorǵanys ministrligi - jeke quramnan 20 adam; Orman sharýashylyǵy - 15 birlik tehnika, jeke quramnan 80 adam, 1 áýe kemesi; JAO - 3 birlik tehnika, jeke quramnan 20 adam; "QTJ" AQ-3 órt sóndirý poiyzy (21 adam).
Saǵat 18:00-degi jaǵdai boiynsha TJM sý aǵyzý qurylǵylary bar 2 tikushaq órtti sóndirý úshin áýege 12 ret kóterilip, 36 tonna sý shashty. Tikushaqtar sýdy órt ornynan 25 shaqyrym qashyqtyqta ornalasqan tabiǵi sý qoimasynan alyp, órtti sóndirýde" - delingen habarlamada.
"Qazgidromet" RMK derekteri boiynsha Qostanai oblysynda joǵary temperatýra 38 gradýsqa deiin, jeldiń jyldamdyǵy sekýndyna 23 metrge deiin saqtalady.
Tótenshe jaǵdailar ministri Iu. V. Ilin áýeden barlaý jumystaryn júrgizdi.
"3 qyrkúiekte meteorologiialyq jaǵdaidyń kúrdelenýine, onyń ishinde aýa temperatýrasy 36 gradýsqa deiin kóterilip, jeldiń ekpini sekýndyna 28 metrge deiin jetýine bailanysty órt aýmaǵy 3000 gektardan asty.
Amanqaraǵai jáne Novonejinka eldi mekenderin qorǵaýǵa baǵyttalǵan kúshter men quraldardy qaita toptastyrý júrgizildi. Ozernoe aýylynan (halyq sany 250 adam) jáne Amanqaraǵai aýylynyń soltústik bóliginen (1000 adam) halyqty evakýatsiialaý jumystary júrgizildi. Ozernoe aýylynda 3 turǵyn úide órt shyqty.Órtti sóndirýge 6 órt sóndirý avtomobili, 8 sý tasý mashinasy jumyldyryldy. Kalinino aýylynan 228 adam, Lesnoe aýylynan 363 adam evakýatsiialandy. Saǵat 17.20-da Amanqaraǵai aýylyndaǵy munai bazasyna qaýip týyndady, oqiǵa ornynda 3 órt sóndirý avtotsisternasy (2-TJM, 1-Munai bazasynyń Obektilik qyzmeti) jumys istep jatyr" - deidi vedomstvonyń baspasóz qyzmeti.
