Aýladaǵy oiyn, sport alańynda júrgen balanyń ata-anasyna aiyppul salynady. Bul týraly búgin Ortalyq kommýnikatsiialar qyzmetindegi brifingte Nur-Sultan qalalyq Politsiia departamentiniń bastyǵy Erjan Sádenov aitty, dep habarlaidy QazAqparat.
«Balalarǵa oiyn jáne sport alańynda júrýge tyiym salynǵan. Ákimdikpen birge barlyq balalar jáne sport alańdaryn arnaiy lentamen qorshap qoidyq. Ol jerde sportpen ainalysýǵa, oinaýǵa bolmaityndyǵy týraly arnaýly belgi bar. Eger qazirgi ýaqytta ol jerde adamdar balalarymen birge júrse, onda olar jaýapqa tartylady», - dedi Erjan Sádenov.
Qalanyń bas politseii asa qajettilik bolmasa úiden shyqpaý qajettigin basa aitty. Sonymen qatar BAQ ókilderiniń «Karantin rejimin buzǵany úshin aiyp turaǵyna jetkizilgen kólik iesi qansha aqsha tóleýi múmkin?» degen saýalyna jaýap berdi.
«Aiyp turaǵy tegin. Karantin talabyn buzýshyǵa qatysty hattama toltyrylyp, sot sheshimi shyǵarylady. Al kólik aiyp turaǵyna qoiylady jáne ol tegin», - dedi ol.
