Foto: Anadolu Agency
Aýǵanstanda 5,2 magnitýdalyq taǵy bir jer silkinisi boldy. Jerasty dúmpýleri Djelalabadtan soltústik-shyǵysqa qarai 34 km qashyqtyqta, jergilikti ýaqyt boiynsha saǵat 15:29-da boldy, dep habarlaidy inbusiness.kz.
AQSh geologiialyq qazmetiniń málimetterinshe, jerasty dúmpýleriniń tereńdigi 10 km-di quraǵan. Ázirge qalanyń mert bolǵandar men jaraqat alǵan turǵyndary týraly málimetter naqtylanbaǵan.
Aýǵanstannyń shyǵysyndaǵy Kýnar provintsiiasynda jeksenbiniń keshinde tirkelgen 6 magnitýdalyq joiqyn jer silkinisinen keiin jańa dúmpýler boldy. Aldyn ala málimetke sáikes, jaraqat alǵandar sany 1411 adamǵa jetti. Ýaqytsha úkimettiń ókili Zabihýlla Mýjahidtiń habarlaýynsha, zardap shekkenderdiń jalpy sany 3124 adamǵa deiin ósken.
Onyń aitýynsha, jer silkinisi saldarynan 5412 úi qiraǵan. Al Aýǵan Qyzyl Jarty Ai qoǵamy úsh shyǵys provintsiiada 8 myńnan astam úidiń qiraǵanyn málimdedi. Kóptegen adamdar úiindi astynda qalyp, qutqarý jumystary júrip jatyr.
Bilik ókilderi evakýatsiia júrgizilip jatqanyn, sondyqtan qaza tapqandar men jaralanǵandar sany ózgerýi múmkin ekenin atap ótti. Jer silkinisinen týyndaǵan kóshkinder keibir joldardy jaýyp qalǵan, qazir sol joldar tazartylyp jatyr. Qutqarýshylar júzdegen adamdy izdep jatyr, alaida taýly jer bederi men qolaisyz aýa raiy kei aýyldarǵa jetýdi qiyndatyp otyr.
Jergilikti turǵyndar da qutqarý jumystaryna belsendi atsalysyp, úiindi astynan shyǵarylǵan jaraly adamdar tikushaqpen aýrýhanalarǵa jóneltilýe.
Aýǵan biliginiń halyqaralyq kómek týraly ótinishinen keiin Úndistan, Shveitsariia, Qytai jáne Ulybritaniia qosa alǵanda birneshe memleket zardap shekken aimaqqa gýmanitarlyq júk jóneltýge daiyn ekenin málimdedi.
BUU Balalar qory (IýNISEF) qiraǵan aýdandarǵa 2000 gýmanitarlyq kómek jibergenin habarlady. Oǵan gigienalyq quraldar, jyly kiim, kórpe jáne baspanasyz qalǵan otbasylarǵa arnalǵan as úi jabdyqtary kiredi.
