Aýǵanstandaǵy jarylystan 12 adam qaza taýyp, 43 adam jaralandy. Bul týraly búgin Pajhwok agenttigi Twitter-de málim etti, dep xabarlaidy QazAqparat.
Qaiǵyly oqiǵa Ǵazna provintsiiasynyń ortalyǵy sanalatyn Ǵazna qalasynda bolǵan.
Agenttiktiń xabaryna qaraǵanda, Aýǵanstannyń Ulttyq qaýipsizdik direktoraty ǵimaratynyń aldynda avtomobil jarylǵan.
Qaza tapqandardyń segizi - qaýipsizdik qyzmetkerleri, taǵy tórteýi - beibit turǵyndar.
Al zardap shekkenderdiń kópshiligi - mektep oqýshylary. Olardyń jaǵdaiy týraly aqparat tym mardymsyz.
Lańkestikke jaýapkershilikti ázirge óńirdegi terroristik uiymdardyń eshbiri alǵan joq.
