Aýǵanstannyń soltústik-shyǵysyndaǵy Badahshan ýálaiatynyń vitse-gýbernatory jankeshtilerden turatyn arnaiy batalonnyń qurylǵanyn málimdedi. Batalon osy ýálaiattyń aýmaǵynda bolyp, Aýǵanstannyń Tájikstan jáne Qytai elderimen shekarasyn kúzetedi, dep habarlaidy Azattyq.
Vitse-gýbernator molla Ahmad Ahmadidiń sózinshe, batalon aldyńǵy úkimettiń kúshterine soqqy jasaý úshin qurylǵan.
Ahmad Ahmadi olardy batyl jaýynger dep atap, olardyń kómeginsiz AQSh-tyń jeńý múmkin bolmas edi dedi.
Aýǵanstan tamyzdyń ortasynan beri tálipterdiń baqylaýynda. Olar el biligin Batys áskerleri tolyq ketpei jatyp-aq qolyna alǵan. 1996-2001 jyldar Aýǵanstanda bilik qurǵan "Taliban" adam quqyǵyn, sonyń ishinde áielder quqyǵyn óreskel buzýymen kózge túsken. Qazir aýǵan halqy tálipter eski repressiialyq zańdaryn qaita ornatady dep qaýiptenedi.
Aýǵanstannyń kórshileri táliptermen qarym-qatynas ornatýǵa beiil ekenin kórsetti. Tek Tájikstan ǵana "Taliban" biligin moiyndamai, Aýǵanstannan qashqan bosqyndarǵa qoldaý kórsetip otyr.
