اۋعانستاننىڭ سولتٷستٸك-شىعىسىنداعى باداحشان ۋەلاياتىنىڭ ۆيتسە-گۋبەرناتورى جانكەشتٸلەردەن تۇراتىن ارنايى باتالوننىڭ قۇرىلعانىن مەلٸمدەدٸ. باتالون وسى ۋەلاياتتىڭ اۋماعىندا بولىپ, اۋعانستاننىڭ تەجٸكستان جەنە قىتاي ەلدەرٸمەن شەكاراسىن كٷزەتەدٸ, دەپ حابارلايدى ازاتتىق.
ۆيتسە-گۋبەرناتور موللا احماد احماديدٸڭ سٶزٸنشە, باتالون الدىڭعى ٷكٸمەتتٸڭ كٷشتەرٸنە سوققى جاساۋ ٷشٸن قۇرىلعان.
احماد احمادي ولاردى باتىل جاۋىنگەر دەپ اتاپ, ولاردىڭ كٶمەگٸنسٸز اقش-تىڭ جەڭۋ مٷمكٸن بولماس ەدٸ دەدٸ.
اۋعانستان تامىزدىڭ ورتاسىنان بەرٸ تەلٸپتەردٸڭ باقىلاۋىندا. ولار ەل بيلٸگٸن باتىس ەسكەرلەرٸ تولىق كەتپەي جاتىپ-اق قولىنا العان. 1996-2001 جىلدار اۋعانستاندا بيلٸك قۇرعان "تاليبان" ادام قۇقىعىن, سونىڭ ٸشٸندە ەيەلدەر قۇقىعىن ٶرەسكەل بۇزۋىمەن كٶزگە تٷسكەن. قازٸر اۋعان حالقى تەلٸپتەر ەسكٸ رەپرەسسييالىق زاڭدارىن قايتا ورناتادى دەپ قاۋٸپتەنەدٸ.
اۋعانستاننىڭ كٶرشٸلەرٸ تەلٸپتەرمەن قارىم-قاتىناس ورناتۋعا بەيٸل ەكەنٸن كٶرسەتتٸ. تەك تەجٸكستان عانا "تاليبان" بيلٸگٸن مويىنداماي, اۋعانستاننان قاشقان بوسقىندارعا قولداۋ كٶرسەتٸپ وتىر.
