Aýǵanstan aýmaǵynda qalyp, elge qaitqysy kelgen qazaqstandyqtar qaida habarlasýy kerek? Bul suraqqa QR Syrtqy ister ministrliginiń resmi ókili Aibek Smadiiarov jaýap berdi, dep habarlaidy QazAqparat.
«Eger Aýǵanstan aýmaǵynda qalyp qoiǵan Qazaqstan azamattary bolyp elge qaitqysy kelse, olar Kabýldaǵy bizdiń elshilikke habarlassyn. Sol jerde qatysty tiisti sharalar qabyldanady. Elge oralǵysy kelgen otandastarymyzǵa kómek kórsetýge ázirmiz. Sol úshin de Aýǵanstandaǵy Qazaqstan elshiligi tarapynan arnaiy komissiia quryldy», - dedi Smadiiarov tilshilerdiń suraqtarna jaýap bere turyp.
Buǵan deiin SIM-niń resmi ókili Aýǵanstanda ózderin qazaqpyz deitin basqa ult ókilderiniń kóbeigenin aitty.
«Sońǵy kúnderi Qazaqstannyń Aýǵanstandaǵy elshiligine ózderin qazaqpyz dep tanystyratyn azamattardyń júginýi jiilep ketti. Biraqta is júzinde olardyń eshqandai dálelderi joq. Olardyń keibireýleri qazaq tilinde sóilei almaidy. Sondai-aq ata-babalarynyń Aýǵanstan aýmaǵyna qonys aýdarý tarihymen, rý-taipalyq bailanystary týraly da aita almaidy. Biz etnikalyq qazaqtardyń tarihi otanyna oralýyna kómek kórsetý týraly barlyq ótinishterge muqiiat tekserý jumystaryn júrgizemiz. Ol bir kúndik jumys emes sondyqtan ýaqyt talap etedi», - deidi ol.
