اۋعانستان اۋماعىندا قالىپ, ەلگە قايتقىسى كەلگەن قازاقستاندىقتار قايدا حابارلاسۋى كەرەك? بۇل سۇراققا قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ جاۋاپ بەردٸ, دەپ حابارلايدى قازاقپارات.
«ەگەر اۋعانستان اۋماعىندا قالىپ قويعان قازاقستان ازاماتتارى بولىپ ەلگە قايتقىسى كەلسە, ولار كابۋلداعى بٸزدٸڭ ەلشٸلٸككە حابارلاسسىن. سول جەردە قاتىستى تيٸستٸ شارالار قابىلدانادى. ەلگە ورالعىسى كەلگەن وتانداستارىمىزعا كٶمەك كٶرسەتۋگە ەزٸرمٸز. سول ٷشٸن دە اۋعانستانداعى قازاقستان ەلشٸلٸگٸ تاراپىنان ارنايى كوميسسييا قۇرىلدى», - دەدٸ سماديياروۆ تٸلشٸلەردٸڭ سۇراقتارنا جاۋاپ بەرە تۇرىپ.
بۇعان دەيٸن سٸم-نٸڭ رەسمي ٶكٸلٸ اۋعانستاندا ٶزدەرٸن قازاقپىز دەيتٸن باسقا ۇلت ٶكٸلدەرٸنٸڭ كٶبەيگەنٸن ايتتى.
«سوڭعى كٷندەرٸ قازاقستاننىڭ اۋعانستانداعى ەلشٸلٸگٸنە ٶزدەرٸن قازاقپىز دەپ تانىستىراتىن ازاماتتاردىڭ جٷگٸنۋٸ جيٸلەپ كەتتٸ. بٸراقتا ٸس جٷزٸندە ولاردىڭ ەشقانداي دەلەلدەرٸ جوق. ولاردىڭ كەيبٸرەۋلەرٸ قازاق تٸلٸندە سٶيلەي المايدى. سونداي-اق اتا-بابالارىنىڭ اۋعانستان اۋماعىنا قونىس اۋدارۋ تاريحىمەن, رۋ-تايپالىق بايلانىستارى تۋرالى دا ايتا المايدى. بٸز ەتنيكالىق قازاقتاردىڭ تاريحي وتانىنا ورالۋىنا كٶمەك كٶرسەتۋ تۋرالى بارلىق ٶتٸنٸشتەرگە مۇقييات تەكسەرۋ جۇمىستارىن جٷرگٸزەمٸز. ول بٸر كٷندٸك جۇمىس ەمەس سوندىقتان ۋاقىت تالاپ ەتەدٸ», - دەيدٸ ول.
