Foto: ashyq derekkóz
3 qarasha kúni QR TJM "SBZǴU" JShS seismikalyq stantsiialar jelisi Astana ýaqytymen 01:29-da jer silkinisin tirkedi. Zilzalanyń epitsentri Aýǵanstan aýmaǵynda, Almatydan ońtústik-batysqa qarai 1079 shaqyrym qashyqtyqta ornalasqan, dep habarlaidy Ult.kz.
Jer silkinisiniń magnitýdasy 6,2 ball bolǵan. Qazaqstandyq seismologtardyń málimetinshe, Shymkent pen Túrkistan oblysynyń Jetisai, Shardara qalalarynda jáne Myrzakent aýylynda (Maqtaaral aýdany) 2 baldyq deńgeide sezilgen.
Tótenshe jaǵdailar ministrligine zardap shekkender men ǵimarattardyń qiraýy týraly aqparat túsken joq.
Al Aýǵanstanda qaýiptiń «qyzǵylt sary» deńgeii jariialagdy. Elde birneshe ǵimarat qirap, júzdegen úidiń qabyrǵasyna syzat túsken. Qurbandar bolýy da múmkin. Negizgi silkinisten keiin kemi bes aftershok tirkeldi, olardyń kúshi 5,2 ballǵa deiin jetken.
Sondai-aq jer asty dúmpýleri Qazaqstannan bólek, Tájikstan, Ózbekstan, Túrikmenstan jáne Pákistan aýmaǵynda da sezilgen.
