Kabýl ýniversitetiniń burynǵy rektory Muhammad Osman Babyr stýdentter men oqytýshylar aldynda sóilep tur. 22 qyrkúiek 2021 jyl.
Aýǵanstanda áielder men qyzdarǵa Kabýl ýniversitetine kirýge tyiym salyndy. Ýniversitettiń jańa basshysy Áshraf Ǵairattyń aitýynsha, "shynaiy islam ortasy" qalyptasqansha tyiym kúshinde bolady.
Jýyrda "Taliban" qozǵalysy (Qazaqstanda tyiym salynǵan) orta mektepterdiń jumysyn qalpyna keltirip, oǵan tek er balalar men er muǵalimderge barýǵa ruqsat bergen.
Aýǵanstan - qyzdarǵa bilim mekemelerine barýǵa tyiym salǵan álemdegi jalǵyz memleket. 1990 jyldary Aýǵanstandy tálipter basqarǵan kezde elde áielderdiń joǵary bilim alýyna tyiym salyndy.
"Nemis tolqyny" saitynyń jazýynsha, birneshe kún buryn Kabýl ýniversitetiniń rektory, ǵylym doktory Muhammad Osman Babyrdy bakalavr deńgeiindegi bilimi bar Áshraf Ǵairat almastyrǵan.
