كابۋل ۋنيۆەرسيتەتٸنٸڭ بۇرىنعى رەكتورى مۇحامماد وسمان بابىر ستۋدەنتتەر مەن وقىتۋشىلار الدىندا سٶيلەپ تۇر. 22 قىركٷيەك 2021 جىل.
اۋعانستاندا ەيەلدەر مەن قىزدارعا كابۋل ۋنيۆەرسيتەتٸنە كٸرۋگە تىيىم سالىندى. ۋنيۆەرسيتەتتٸڭ جاڭا باسشىسى ەشراف عايراتتىڭ ايتۋىنشا, "شىنايى يسلام ورتاسى" قالىپتاسقانشا تىيىم كٷشٸندە بولادى.
جۋىردا "تاليبان" قوزعالىسى (قازاقستاندا تىيىم سالىنعان) ورتا مەكتەپتەردٸڭ جۇمىسىن قالپىنا كەلتٸرٸپ, وعان تەك ەر بالالار مەن ەر مۇعالٸمدەرگە بارۋعا رۇقسات بەرگەن.
اۋعانستان - قىزدارعا بٸلٸم مەكەمەلەرٸنە بارۋعا تىيىم سالعان ەلەمدەگٸ جالعىز مەملەكەت. 1990 جىلدارى اۋعانستاندى تەلٸپتەر باسقارعان كەزدە ەلدە ەيەلدەردٸڭ جوعارى بٸلٸم الۋىنا تىيىم سالىندى.
"نەمٸس تولقىنى" سايتىنىڭ جازۋىنشا, بٸرنەشە كٷن بۇرىن كابۋل ۋنيۆەرسيتەتٸنٸڭ رەكتورى, عىلىم دوكتورى مۇحامماد وسمان بابىردى باكالاۆر دەڭگەيٸندەگٸ بٸلٸمٸ بار ەشراف عايرات الماستىرعان.
