Foto:elements.envato.com
Indýstriia jáne infraqurylymdyq damý ministri Qaiyrbek Óskenbaev áýejailar men vokzaldarda joǵary laýazymdy sheneýnikterdi tekserýdi alyp tastaý týraly buiryqty qaita qaraý qajet degen pikirmen kelisti, - dep habarlaidy Tengrinews.kz.
"Qazaqstandyqtar áýejailar men vokzaldarda joǵary laýazymdy sheneýnikterdi tekserýdi alyp tastaý týraly buiryqty talqylap jatyr. Bul tizim 2014 jyly bekitilgen. Qańtar oqiǵasy sheneýnikter men qarapaiym halyqtyń arasyndaǵy alshaqtyq nege ákelgenin kórsetti. Qalai oilaisyz, memlekettik qyzmetshilerge osyndai artyqshylyqtar qajet pe", - dep surady jýrnalist ministrden Úkimet otyrysynan keiin kýlýarda.
Óskenbaev bul buiryq buryn da bolǵanyn, qazir oǵan qaita qol qoiylǵanyn aitty.
"Kóptegen suraq týyndap jatyr. Shynymen de, ony qoǵamdyq talqylaýǵa shyǵaryp, qai laýazymdy qaldyrý kerek, qaisysyn qysqartý keregin kórý kerek shyǵar. Aldaǵy ýaqytta kóremiz.
Bul erterek qabyldanǵan sheshim, biz tek buiryqty qaitaladyq. Biraq bul álemdik tájiribe. Qai laýazymdardy qaldyrý keregin kóremiz. Rasynda da, qysqartýǵa bolatyn laýazymdar bar shyǵar. Álemde qabyldanǵan eń tómengi deńgeidi qaldyramyz", - dedi Óskenbaev.
