Foto: ashyq derekkóz
Májilis depýtaty Baqytjan Bazarbek áýe kompaniialaryna qatysty zań jobasy ázirlenip jatqanyn málim etti, dep habarlaidy Ult.kz.
Depýtattyń aitýynsha, áýe kompaniialaryna bailanysty jolaýshylarynyń quqyqtaryn qorǵaýǵa arnalǵan jańa quqyqtyq mehanizmder ázirlenip jatqanyn málimdedi.
Májilis kýlýarynda jýrnalister depýtattan Astana áýejaiynda 12 jasar qyzdy reiske jibermei, jalǵyz qaldyrǵany úshin Air Astana kompaniiasynyń sot sheshimine shaǵymdanýy týraly surady. Baqytjan Bazarbek áýe kompaniiasynyń sot sheshimine shaǵymdanýǵa quqyǵy bar ekenin atap ótti.
"Qazir biz reisterdiń keshikkeni úshin barlyq áýe kompaniialaryna aiyppul salýǵa qatysty mehanizmderdi ázirlep jatyrmyz. Tutynýshylardyń quqyqtaryn qorǵaý týraly zań jobasy aiasynda áýe kompaniialaryna qatysty shaǵymdardy qaraý jáne tekserý, sondai-aq áýejai basshylyǵynyń áreketterin baqylaý boiynsha quqyqtyq mehanizmder jasap jatyrmyz", – dedi depýtat.
Eske salsaq, 2024 jylǵy 21 shildede kámeletke tolmaǵan Zereniń Fly Arystan áýekompaniiasynyń Astana – Oral reisine jiberilmegeni belgili. Ol josparda egiz ápkesimen birge ata-anasyna oralýy kerek bolǵan. Nátijesinde qyz Astana áýejaiynda qalyp qoiǵan.
