Nur-Sultan men Almatyǵa ushatyn ár jolaýshy meditsinalyq maskany ózi satyp alýy kerek, sebebi bir rettik maskanyń baǵasy qoljetimdi. Bul týraly Kóliktegi Bas memlekettik sanitarlyq dáriger Sádýaqas Baiǵabylov aitty, dep habarlaidy QazAqparat.
«Ártúrli sebeppen Nur-Sultan nemese Almaty qalasynan shyǵyp úlgermei qalǵandar bar. Sondai-aq, biznesti damytý týraly qaýly da bar. Soǵan sáikes ushaq issaparǵa baratyndar úshin, dárigerler úshin de kerek. Biz birtindep osyndai qatań jaǵdaida da ekonomikamyzdy damytyp úirenýimiz kerek», - deidi Sádýaqas Baiǵabylov onlain brifingte.
Onyń aitýynsha, ushaqpen ushý maqsatynda koronavirýs juqtyrmaǵany týraly anyqtama alý úshin memlekettik, jeke menshik zerthanalarmen qatar JITS ortalyqtary, Qan tapsyrý ortalyqtaryn da jumysqa tartý josparlanǵan.
«Praktika kórsetkendei, bul dert jas talǵamaidy. Sol sebepti ushaqpen ushatyn otbasy músheleriniń bári test tapsyrýy kerek. Sonymen qatar, ushaq bortynda tek bir ret qana qoldanýǵa jaramdy ydystar ǵana qoldanylýy qajet. Meditsinalyq maska taǵý talap etiledi, al meditsinalyq qolǵap kiiý týraly talap joq», - deidi ol.
