نۇر-سۇلتان مەن الماتىعا ۇشاتىن ەر جولاۋشى مەديتسينالىق ماسكانى ٶزٸ ساتىپ الۋى كەرەك, سەبەبٸ بٸر رەتتٸك ماسكانىڭ باعاسى قولجەتٸمدٸ. بۇل تۋرالى كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ ايتتى, دەپ حابارلايدى قازاقپارات.
«ەرتٷرلٸ سەبەپپەن نۇر-سۇلتان نەمەسە الماتى قالاسىنان شىعىپ ٷلگەرمەي قالعاندار بار. سونداي-اق, بيزنەستٸ دامىتۋ تۋرالى قاۋلى دا بار. سوعان سەيكەس ۇشاق ٸسساپارعا باراتىندار ٷشٸن, دەرٸگەرلەر ٷشٸن دە كەرەك. بٸز بٸرتٸندەپ وسىنداي قاتاڭ جاعدايدا دا ەكونوميكامىزدى دامىتىپ ٷيرەنۋٸمٸز كەرەك», - دەيدٸ سەدۋاقاس بايعابىلوۆ ونلاين بريفينگتە.
ونىڭ ايتۋىنشا, ۇشاقپەن ۇشۋ ماقساتىندا كوروناۆيرۋس جۇقتىرماعانى تۋرالى انىقتاما الۋ ٷشٸن مەملەكەتتٸك, جەكە مەنشٸك زەرتحانالارمەن قاتار جيتس ورتالىقتارى, قان تاپسىرۋ ورتالىقتارىن دا جۇمىسقا تارتۋ جوسپارلانعان.
«پراكتيكا كٶرسەتكەندەي, بۇل دەرت جاس تالعامايدى. سول سەبەپتٸ ۇشاقپەن ۇشاتىن وتباسى مٷشەلەرٸنٸڭ بەرٸ تەست تاپسىرۋى كەرەك. سونىمەن قاتار, ۇشاق بورتىندا تەك بٸر رەت قانا قولدانۋعا جارامدى ىدىستار عانا قولدانىلۋى قاجەت. مەديتسينالىق ماسكا تاعۋ تالاپ ەتٸلەدٸ, ال مەديتسينالىق قولعاپ كييۋ تۋرالى تالاپ جوق», - دەيدٸ ول.
