The Westerdam saltanatty krýiz kemesiniń jolaýshylary men ekipaj músheleri Kambodjada qiyn jaǵdaida qaldy. Óitkeni barlyq áýekompaniialary olardy bortqa qabyldaýdan bas tartty. Buǵan deiin Aziiadaǵy bes port bul kemeni koronavirýstan qaýiptenip kirgizýden bas tartqan bolatyn, dep habarlaidy Kyodo.
Malaiziia jolaýshylardyń birinde virýstyń bar-joǵyn anyqtaityn test oń nátije kórsetkenin málimdegennen soń osyndai jaǵdai oryn aldy. Áiel adam Sianýkvil portynyń ońtústik-batysynda The Westerdam kemesinen túsip qalǵannan keiin juma kúni Malaiziiaǵa ushyp ketti.
Japoniia, Taivan, Filippin, Gýama jáne Tailand porttary kemeni kirgizýden bas tartqandyqtan Kambodja úkimeti lainerdi beisenbi kúni bailap qoiýǵa ruqsat etti.
Qazirgi kúni 2257 jolaýshy men ekipaj músheleriniń 1000-ǵa jýyǵy Kambodjadan ketti. Olardyń 1255-i kemeden juma kúni tańerteń shyǵyp ketti.
Derekkózdiń málimeti boiynsha, Kambodja men quramynda AQSh bar múddeli taraptar, kommertsiialyq áýekompaniialaryna júginip, kemedegi jolaýshylardy elden áketýdi ótingen. Olar túrli baǵyttaǵy charterlik reisterdi jaldaýǵa tyrysqan, biraq sátsiz boldy.
Dúisenbi kúni eldiń premer-ministri Hýn Sen óziniń Facebook paraqshasynda jazba qaldyrdy.
«500 shetel týrisi tekseristen ótip, eshqaisysynda COVID-19 virýsynyń belgileri anyqtalǵan joq. Qazirgi ýaqytta olar ýaqytsha Pnompendegi «Soha» qonaqúiine ornalastyryldy. Eger memleket azamattaryna qamqorlyq tanytpasa, Kambodja olarǵa degen jaýapkershilikti moinyna alady, sebebi olar bizdiń elimizde - qaýipsiz jerde», - dedi premer-ministr.
The Westerdam Sianýkvilde toqtap, bailanǵan sátte Hýn Sen jolaýshylar men topty jyly qarsy alyp, olarǵa gúl men sharf syilady.
Bortynda 1455 týrist pen 802 ekipaj múshesi bolǵan keme 1 aqpan kúni Gonkongtan saparǵa attanǵan. Lainer Shyǵys Aziianyń birqatar elderine baryp, 14 kúndik saiahatty Iokogamada aiaqtaidy dep josparlanǵan bolatyn.
Kemeni qabyldamas buryn eldiń densaýlyq saqtaý organdary aýyryp qalǵan 20 jolaýshyny tekserip, taldaý jasady. Testtiń nátijeleri teris nátije kórsetti.
Densaýlyq saqtaý qyzmetkerleriniń biriniń sózinshe, jolaýshylar qatarynda Malaiziiada test oń nátije kórsetken 83 jastaǵy áiel adam joq.
Úkimet ókilderiniń aitýynsha, Kambodjada qalǵandardyń barlyǵy virýstyń bar-joǵyn anyqtaityn taldaý tapsyrýy kerek.
