Túrkistan oblysy, Tólebi aýdany ákiminiń orynbasaryn óltirýge oqtalǵan degen kúdikpen eki adam ustalyp, qylmystyq is qozǵaldy. Bul týraly oblystyq IID baspasóz qyzmetiniń jetekshisi Saltanat Qarakózova málim etti, dep habarlaidy QazAqparat tilshisi.
Aita keteiik, keshe Tólebi aýdany ákiminiń orynbasary Rabiǵa Beisebaevaǵa belgisiz bireýler shabýyl jasap, óltirýge árekettengen. Túski úzilis kezinde qyzmettik kóligimen úiine kelgen sátte úsh tulǵa oǵan qarai birneshe ret oq atqan. Áiel eńkeiip, kóliginiń esigin qulyptap úlgeripti. Osy kezde shýdy estigen kórshiler jinalyp, álgiler qashyp ketken. Osylaisha aýdan ákiminiń orynbasary aman qaldy. Ol tez arada aýrýhanaǵa jetkizildi. Týystary bolsa bul aldyn ala josparlanǵan shabýyl dep boljap otyr. Óńirdiń tártip saqshylarybúgin osy qylmysqa qatysy bar degen eki kúdiktini ustady.
«Búgin Tólebi aýdany ákiminiń orynbasaryna jasalǵan shabýylǵa qatysy bar degen eki kúdikti ustaldy. Tólebi aýdandyq IIB qyzmetkerlerimen kúdiktilerge qatysty Qylmystyq kodekstiń «Adam óltirýge oqtalý» babymen sotqa deiingi tergep-tekserý amaldary júrgizilýde. Oqiǵa ornynda jedel tergeý toby jumys isteýde. Oqiǵanyń barlyq mán-jailary anyqtalýda. Qazir ózge kúdiktilerdiń tulǵasyn anyqtaý, olardy qolǵa túsirý boiynsha sharalar júrgizilýde»,- deidi Saltanat Qarakózova.
Eske salaiyq, Rabiǵa Beisebaeva bul qyzmetti sońǵy segizi jyldan beri atqaryp keledi.
