QR Parlamenti Májilisi «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly» Zań jobasyn maquldady, dep habarlaidy QazAqparat.
Bul zań jobasy Konstitýtsiialyq zań jobasynyń qabyldanýyna bailanysty zańnamaǵa ilespe túzetýler bolyp otyr.
«Osy Zań jobasy «Jergilikti memlekettik basqarý jáne ózin-ózi basqarý týraly», «Saiasi partiialar týraly» jáne «Memlekettik qyzmet týraly» zańdarǵa túzetýler engizýdi kózdeidi. Zań jobasyna sáikes aýyl ákiminiń ókilettigi sailaý komissiiasy ony tirkegen sátten bastalady jáne kelesi jaǵdailarda toqtatylady: úmitkerdi saiasi partiia usynǵan jaǵdaida tiisti partiianyń músheligiń joǵaltqan jaǵdaida; máslihat depýtattary ákimge qatysty senimsizdik bildirýi, sonyń ishinde jergilikti qoǵamdastyq jinalysynyń bastamasy boiynsha; memlekettik qyzmet týraly zańǵa sáikes basqa da negizder», - dep atap ótti QR Ulttyq ekonomika ministri Áset Erǵaliev Májilistiń jalpy otyrysynda.
Sonymen birge, «Qazaqstan Respýblikasynyń memlekettik qyzmeti týraly» zańǵa engizilgen túzetýlermen rotatsiia jáne attestattaý júrgizýdiń kúshin joiý, tártiptik teris qylyqtar úshin laýyzymyn tómendetý kózdelip otyr. Odan basqa aýyl ákimi úshin tártiptik jaza sharalary ózgerissiz qalady.
«Sońdai-aq, «Saiasi partiialar týraly» zańǵa aýyl ákimdigine kandidattar usyný boiynsha saiasi partiialardyń jarǵysyn, quqyqtary men mindetterin tolyq oryndaý bóliginde ózgerister engizý usynylady», - deidi Erǵaliev.
Aita keteiik, «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» QR Konstitýtsiialyq zańy jobasyn tanystyrdy.
Onda aýdan ákimderin sailaý, Parlament Májilisine sailaý kezinde saiasi partiialardyń ótý shegin 7%-dan 5%-ǵa deiin tómendetý jáne barlyq deńgeidegi sailaý biýlletenderine «barlyǵyna qarsymyn» grafasyn engizý usynystary aitylǵan.
