Ishki ister ministrligi aýa raiynyń buzylýyna bailanysty jaǵdaidy baqylaýǵa alyp, jedel aqparattardy halyqqa ýaqytynda jetkizip otyr. Bul týraly úkimet otyrysynda ministr Qalmuhanbet Qasymov aitty, dep habarlaidy Sputnik Qazaqstan tilshisi.
"Boran soǵyp, jeldiń kúsheiip, aýa raiynyń buzylýyna bailanysty kólikterdiń qozǵalysyn shektep, baqylaýǵa alý boiynsha sharalar qolǵa alyndy. Qazir Astanadan shyǵatyn barlyq jol jabyldy. Aqmola, Qaraǵandy,Pavlodar jáne Qyzylorda oblystarynda da jol jabyldy", — dep baiandady Qasymov Úkimet otyrysynda.
Ministrdiń aitýynsha, barlyq jolda baqylaý beketteri ornatylyp, jol politsiiasy, jol qyzmetteri jumys istep jatyr, tótenshe jaǵdailar komiteti qutqarýshylarynyń kezekshiligi uiymdastyryldy.
"Astana men oblys ortalyqtary, eldi mekenderde oblystyq politsiia men tótenshe jaǵdailar basqarmasy jol tazalap jatqan kommýnaldyq qyzmetterge kómek kórsetýde. Qajet bolǵan jaǵdaida rezervte turǵan kúshter paidalanylady, olar daiyn tur. Jaǵdaidy baqylaýda ustap otyrmyz, halyq aýa raiy týraly aqparatty turaqty túrde alýda", — dep sendirdi ministr.
