Búgin Qazaqstannyń basym bóliginde aýa raiy qubylmaly bolady, dep habarlaidy "Ult aqparat" «Qazgidromet» RMK-na silteme jasap.
RMK málimetterine qaraǵanda, respýblikanyń basym bóliginde jaýyn jaýyp, tek eldiń ońtústigi men ońtústik-shyǵysynda ǵana aýa raiy jaýyn-shashynsyz bolady. Kei jerlerde jel kúsheiip, tuman túsedi, kóktaiǵaq, burqasyn bolady.
Aqmola oblysynyń kei jerlerinde tuman túsip, kóktaiǵaq bolady, jeldiń jyldamdyǵy sekýndyna 15-20 metrge, kei jerlerde ekpini 23-28 metrge deiin kúsheiedi.
Soltústik Qazaqstan oblysynyń kei jerlerinde tuman túsip, kóktaiǵaq, jaiaý burqasyn bolady. Jeldiń jyldamdyǵy sekýndyna 15-20 metrge jetedi. Túnde kei jerlerde jeldiń ekpini 23-28 m/s-qa deiin kúsheiedi.
Shyǵys Qazaqstan oblysynyń kei jerlerinde tuman túsip, kóktaiǵaq bolady. Kúndiz jel 15-20 m/s-qa deiin kúsheiedi.
Jambyl, Atyraý oblystarynyń kei jerlerinde tuman túsýi múmkin.
Batys Qazaqstan, Qostanai, Pavlodar, Qaraǵandy oblystarynyń kei jerlerinde tuman túsip, kóktaiǵaq bolady, jel 15-20 m/s-qa deiin kúsheiedi.
Osyǵan deiin Astana men Aqmola oblysynda eskertý jariialanǵandyǵyn habarlaǵan bolatynbyz.
