اۋا رايى: قازاقستاننىڭ باسىم بٶلٸگٸندە تۇمان تٷسٸپ, كٶكتايعاق بولادى

بٷگٸن قازاقستاننىڭ باسىم بٶلٸگٸندە اۋا رايى قۇبىلمالى بولادى, دەپ حابارلايدى "ۇلت اقپارات" «قازگيدرومەت» رمك-نا سٸلتەمە جاساپ.

رمك مەلٸمەتتەرٸنە قاراعاندا, رەسپۋبليكانىڭ باسىم بٶلٸگٸندە جاۋىن جاۋىپ, تەك ەلدٸڭ وڭتٷستٸگٸ مەن وڭتٷستٸك-شىعىسىندا عانا اۋا رايى جاۋىن-شاشىنسىز بولادى. كەي جەرلەردە جەل كٷشەيٸپ, تۇمان تٷسەدٸ, كٶكتايعاق, بۇرقاسىن بولادى.

اقمولا وبلىسىنىڭ كەي جەرلەرٸندە تۇمان تٷسٸپ, كٶكتايعاق بولادى, جەلدٸڭ جىلدامدىعى سەكۋندىنا 15-20 مەترگە, كەي جەرلەردە ەكپٸنٸ 23-28 مەترگە دەيٸن كٷشەيەدٸ.

سولتٷستٸك قازاقستان وبلىسىنىڭ كەي جەرلەرٸندە تۇمان تٷسٸپ, كٶكتايعاق, جاياۋ بۇرقاسىن بولادى. جەلدٸڭ جىلدامدىعى سەكۋندىنا 15-20 مەترگە جەتەدٸ. تٷندە كەي جەرلەردە جەلدٸڭ ەكپٸنٸ 23-28 م/س-قا دەيٸن كٷشەيەدٸ.

شىعىس قازاقستان وبلىسىنىڭ كەي جەرلەرٸندە تۇمان تٷسٸپ, كٶكتايعاق بولادى. كٷندٸز جەل 15-20 م/س-قا دەيٸن كٷشەيەدٸ.

جامبىل, اتىراۋ وبلىستارىنىڭ كەي جەرلەرٸندە تۇمان تٷسۋٸ مٷمكٸن.

باتىس قازاقستان, قوستاناي, پاۆلودار, قاراعاندى وبلىستارىنىڭ كەي جەرلەرٸندە تۇمان تٷسٸپ, كٶكتايعاق بولادى, جەل 15-20 م/س-قا دەيٸن كٷشەيەدٸ.

وسىعان دەيٸن استانا مەن اقمولا وبلىسىندا ەسكەرتۋ جارييالانعاندىعىن حابارلاعان بولاتىنبىز.