Astana turǵyny elordalyq politsiia departamentine "Álibi isi" boiynsha atyshýly biznesmen Qairat Jamalievti buzaqylyq úshin aiyptap aryz jazdy, dep habarlaidy Sputnik.
Astananyń politsiia departamenti Qairat Jamalievtiń atyna túsken aryzdy sotqa deiingi tergeýlerdiń biryńǵai reestrine tirkegenin rastady – biznesmenge buzaqylyq jasady degen aiyp taǵylǵan.
"Quqyq qorǵaý organdaryna Astana turǵyny buzaqylyq týraly aryz jazdy. Ol Qairat Jamalievke aiyp taǵyp otyr. Aryz berýshi men kúdikti arasynda qandai jaǵdai bolǵanyn ázirshe aita almaimyz. Tergeý týraly basqa aqparat jariialanbaidy", — dep habarlady politsiia departamentiniń resmi ókili Sofia Qylyshbekova.
Esterińizge sala ketsek, Qairat Jamaliev 2015 jyly Álibi Jumaǵulovty soqqyǵa jyqqany úshin aiypty dep tanylyp, 13 jylǵa sottalǵan. Jumaǵulovtyń ákesi qylmyskerdi jazalaý úshin halyqqa úndeý tastaǵan soń, bul is qoǵamnyń nazaryna ilikken bolatyn. Keiinirek Jamalievtyń jaza merzimi 7 jylǵa deiin qysqartyldy. Soǵan qaramastan Jamaliev bul ýaqytty da túrmede ótemedi. Biyl shilde aiynda ótelmegen jaza merzimin aiyppulmen almastyrǵan.
