Atyraýda zeinetker áielder koloniiasynyń kitaphanasyna 100-den astam kitapty syiǵa tartty, dep habarlaidy "Ult aqparat".
Atyraýdaǵy ÝG-157/11 mekemesiniń kitaphanasy 6 myńnan astam kitappen qamtylǵan. Onyń ishinde qazaq tilindegi ádebi shyǵarmalardan bólek, álem klassikteriniń de kitaptary bar.
Bul túrmede jazasyn ótep jatqan 150-den astam áieldiń keibiri aiyna 5 kitap oqidy. Endi olarǵa jergilikti zeinetker Málik Kóptileýov 100-den astam kitapty syiǵa tartty.
«Budan buryn jergilikti gazetter arqyly Atyraý turǵyndarynan mekemege qaitarymsyz kitaptar qabyldaitynymyzdy habarlaǵan edik. Osy habarlandyrýdy estigen Atyraý qalasynyń turǵyny, munai salasynda eńbek etken zeinetker Málik Kóptileýov jazasyn óteýshi áielder úshin qazaq jáne orys tilindegi 100-den astam kitapty qaitarymsyz syilady», - deidi mekeme bastyǵynyń orynbasary Medet Adjikýlov.
