Atyraý oblystyq perinataldyq ortalyǵy dárigerleri aryzdaryn qaityp almaimyz dep otyr. Basshylardyń júrgizgen kelissózderi aitarlyqtai nátije bermei jatyr.
QR Densaýlyq saqtaý ministrligi, densaýlyq saqtaý basqarmasy, kásipodaq ókilderi júrgizip jatqan túsindirme jumystarynan keiin 30-dan astam dárigerdiń tek ekeýi aryzdaryn qaitaryp alǵan. Ózgeleri oilaryn ózgertpei otyr. Degenmen qazir qyzmettik mindetterin atqaryp jatyr. Olardyń basty talaby jumys jasaýǵa jaǵdai jasalyp, tekseristerdi toqtatý eken.
"Men jumys jasaǵym keledi. Biraq bolashaǵymnan qorqamyn. Eki kishkentai qyzym bar, eger men de áriptesterimdei qiyn jaǵdaiǵa tap bolsam, balalaryma ne bolady?! Qazirgi tańda bizde mamannyń joqtyǵynan ginekologiia bólimshesinde jumys toqtatyldy. Perzenthanadaǵy eń bilikti mamandardan aiyrylyp jatyrmyz», - deidi Atyraý oblystyq perinataldyq ortalyǵynyń akýsher-ginekology Juldyz Ahmetova
Atyraý oblystyq densaýlyq saqtaý basqarmasyndaǵylar perinataldyq ortalyqtaǵy dárigerlerdiń jumys oryndarynda qalýy úshin bar kúshterin salýda.
Esterińizge sala keteiik, Atyraýdaǵy dáriger jańa týǵan sábidi tońazytqyshqa salyp óltirdi degen kúdikke ilingen bolatyn. Eger aq halattylardyń kinálary dáleldense, olar 20 jylǵa deiin bas bostandyqtarynan airylýlary múmkin.
Sondai-aq buǵan deiin Atyraý perinataldyq ortalyǵynyń 31 dárigeri jumystan shyǵý týraly ótinish jazǵany habarlanǵan bolatyn.
Atyraýlyq dárigerler áriptesterimizdiń kinási naqty dáleldenbei, jala jabylyp jatyr dep ashynady.
