اتىراۋ وبلىستىق پەريناتالدىق ورتالىعى دەرٸگەرلەرٸ ارىزدارىن قايتىپ المايمىز دەپ وتىر. باسشىلاردىڭ جٷرگٸزگەن كەلٸسسٶزدەرٸ ايتارلىقتاي نەتيجە بەرمەي جاتىر.
قر دەنساۋلىق ساقتاۋ مينيسترلٸگٸ, دەنساۋلىق ساقتاۋ باسقارماسى, كەسٸپوداق ٶكٸلدەرٸ جٷرگٸزٸپ جاتقان تٷسٸندٸرمە جۇمىستارىنان كەيٸن 30-دان استام دەرٸگەردٸڭ تەك ەكەۋٸ ارىزدارىن قايتارىپ العان. ٶزگەلەرٸ ويلارىن ٶزگەرتپەي وتىر. دەگەنمەن قازٸر قىزمەتتٸك مٸندەتتەرٸن اتقارىپ جاتىر. ولاردىڭ باستى تالابى جۇمىس جاساۋعا جاعداي جاسالىپ, تەكسەرٸستەردٸ توقتاتۋ ەكەن.
"مەن جۇمىس جاساعىم كەلەدٸ. بٸراق بولاشاعىمنان قورقامىن. ەكٸ كٸشكەنتاي قىزىم بار, ەگەر مەن دە ەرٸپتەستەرٸمدەي قيىن جاعدايعا تاپ بولسام, بالالارىما نە بولادى?! قازٸرگٸ تاڭدا بٸزدە ماماننىڭ جوقتىعىنان گينەكولوگييا بٶلٸمشەسٸندە جۇمىس توقتاتىلدى. پەرزەنتحاناداعى ەڭ بٸلٸكتٸ مامانداردان ايىرىلىپ جاتىرمىز», - دەيدٸ اتىراۋ وبلىستىق پەريناتالدىق ورتالىعىنىڭ اكۋشەر-گينەكولوگى جۇلدىز احمەتوۆا
اتىراۋ وبلىستىق دەنساۋلىق ساقتاۋ باسقارماسىنداعىلار پەريناتالدىق ورتالىقتاعى دەرٸگەرلەردٸڭ جۇمىس ورىندارىندا قالۋى ٷشٸن بار كٷشتەرٸن سالۋدا.
ەستەرٸڭٸزگە سالا كەتەيٸك, اتىراۋداعى دەرٸگەر جاڭا تۋعان سەبيدٸ توڭازىتقىشقا سالىپ ٶلتٸردٸ دەگەن كٷدٸككە ٸلٸنگەن بولاتىن. ەگەر اق حالاتتىلاردىڭ كٸنەلارى دەلەلدەنسە, ولار 20 جىلعا دەيٸن باس بوستاندىقتارىنان ايرىلۋلارى مٷمكٸن.
سونداي-اق بۇعان دەيٸن اتىراۋ پەريناتالدىق ورتالىعىنىڭ 31 دەرٸگەرٸ جۇمىستان شىعۋ تۋرالى ٶتٸنٸش جازعانى حابارلانعان بولاتىن.
اتىراۋلىق دەرٸگەرلەر ەرٸپتەستەرٸمٸزدٸڭ كٸنەسٸ ناقتى دەلەلدەنبەي, جالا جابىلىپ جاتىر دەپ اشىنادى.
