Atyraýlyq balýan álem kýbogynda qarsylastaryn utyp, jeńimpaz atandy, dep habarlaidy QazAqparat.
Oblystyq sport jáne dene shynyqtyrý basqarmasynyń baspasóz qyzmetinen málim etkendei, Rýmyniianyń Konstantsa qalasynda qazaq kúresinen álem kýbogi ótken.
«Álem kýbogi úshin dodada balýan Naýryzbek Mailashev 74 keli salmaqta baq synady. Ol aldymen Moldova jáne Rýmyniia sportshylaryn utty. Jartylai finalda qazaqstandyq balýannan basym tústi. Al, aqtyq synda Rýmyniia balýanyn qapy qaldyryp, álem kýboginiń iegeri atandy» -dep habarlady basqarmanyń baspasóz qyzmeti.
Naýryzbek Mailashev álem kýbogindegi jeńisi arqyly «Halyqaralyq dárejedegi sport sheberi» normasyn oryndady.
