Atyraý qalasynyń turǵyny Ádil Jubanov Ortalyq qalalyq klinikalyq aýrýhanasyna jedel járdem kóligin syilady, dep habarlaidy QazAqparat.
«Biylǵy jyl jan túrshigerlik oqiǵadan bastaldy. Halqymyz úshin osyndai bir qiyn-qystaý kezeńinde, sondai-aq, Prezidentimizdi jáne onyń «Kúshimiz birlikte» degen uranymen bastalǵan úndeýin qoldai otyryp, kómek kórsetýdi jón kórdim. Qańtardaǵy qaiǵyly oqiǵanyń bizdiń memleketimizge qanshalyqty shyǵyn ákelgeni bárimizge málim. Órtengen IIM avtokólikteri, áskeri mashinalar jáne jedel járdem kólikteri. Búgingi kúni búkil halyq birlesip qolynan kelgenshe óz kómegin kórsetýde. Men jáne meniń otbasym halqymyzǵa shuǵyl kómek kórsetý maqsatymen jedel járdem kóligin syilaiyq dep sheshtik», - Ádil Jubanov.
Ortalyq qalalyq klinikalyq aýrýhanasynyń direktory Ulyqbek Medeýbekovtyń aitýynsha, jedel járdem kóligi gemodializden ambýlatorlyq túrde emdelip jatqan patsientterdi tasymaldaý úshin qoldanylady.
«Mundai kómek meditsinalyq kómek kórsetýdi jaqsarta túsýi abzal jáne de bul bizge óte mańyzdy» - deidi Ortalyq qalalyq klinikalyq aýrýhanasynyń direktory.
