Atyraýǵa Tokio Paralimpiadasynyń kúmis júldegerleri keldi, dep habarlaidy "Ult aqparat".
Búgin, 31 tamyzda atyraýlyqtar Tokiodaǵy Paralimpiada oiyndarynda dziýdodan kúmis júldege ie bolǵan dziýdoshylar Ánýar Sariev, Dáýlet Temirjan men Zarina Baibatinany qoshemetpen kútip aldy.
«Paralimpiadaǵa altyn medal alý úshin barǵan edim. Jeńiske jetý úshin bapkerimniń keńesin, ózimniń tájiribemdi tolyq paidalanýǵa tyrystym. Biraq, sál sáttilik jetispedi. Endi Parijde Paralimpiadaǵa daiyndyqty bastaimyn. Sol kezde elimizdiń kók bairaǵyn jelbiretip, Ánuranyn shyrqatýǵa tyrysamyn» -deidi Paralimpiada oiyndarynyń kúmis júldegeri Ánýar Sariev.
Paradziýdodan el quramasynyń bas bapkeri Jandos Qiianovtyń aitýynsha, Ánýar Sariev – álemdik reitingte alǵashqy úshtikke engen tatami sheberi.
«Sol sebepten, birinshi ainalymda Ánýardyń qarsylasy bolmady. Ekinshi kezeńde mońǵol sportshysyn jartylai jeńispen utty. Sol kezdesýde azdaǵan jaraqat aldy. Murny synyp, saýsaǵyn aýyrtyp aldy. Soǵan qaramastan, kelesi ainalymda venesýelalyq Markos Blankomen kúresip, ony eki ádispen jeńdi. Al, finalda ázerbaijandyq Výgar Shirinlimen kezdesýde qatelik jiberip aldy. Qarsylasy sony paidalanyp ketti» - deidi Jandos Qiianov.
