Atyraýǵa Litvadan ushyp kelgen azamat karantinnen qashyp ketken, dep habarlaidy "Ult aqparat".
«Atyraý qalalyq mamandandyrylǵan ákimshilik sotynda QR Ákimshilik quqyq buzýshylyq týraly kodekstiń 476-baby 6-tarmaǵyn buzǵan azamattyń isi qaraldy. Litvadan kelgen Qazaqstan Respýblikasynyń azamaty tótenshe jaǵdaidyń jariialanýyna bailanysty memlekettik organmen belgilengen karantin rejimin buzǵan. Ol biylǵy 18 naýryzda túngi saǵat 03.00 shamasynda Atyraý oblystyq týberkýlezge qarsy dispanserdiń ekinshi qabatynda ornalasqan palata terezesinen sekirip, qashyp ketken. Quqyq buzýshy S. dispanserdiń palatasynan sot otyrysyna «TrueConf» qosymshasy arqyly qatysty. Ol kinásin moiynda», - dedi oblystyq sottyń baspasóz qyzmetinen.
Sot qaýlysymen oǵan eskertý túrindegi jaza qoldanyldy. Qazir ol Atyraý oblystyq týberkýlezge qarsy dispanserde dárigerlerdiń statsionarlyq baqylaýynda.
