10 maýsym kúni Atyraýǵa Qytaidyń shyǵys jaǵalaýyndaǵy iri Lianiýngan portynan gýmanitarlyq kómek jetti. Bul týraly Atyraý oblysynyń TJ jónindegi jedel shtaby habarlady.
"Qytai men Qazaqstan - uzaq dostyq tarihy bar órkenietti memleketter. Lianiýngan men Atyraý arasy alshaq bolǵanymen, bul bailanysqa kedergi bola almaidy. Belgili bir sebeptermen bizdiń gýmanitarlyq kómek sál keshigip keldi. Biraq bul eki el halqynyń bir-birine degen qamqorlyǵyn toqtata almaidy. Búgin men Lianiýngan portynyń atynan gýmanitarlyq kómekti Atyraý qalasynyń áleýmettik damý qoryna aýdaramyn", - dedi Ortalyq Aziiadaǵy Lianiýngan porty ókildiginiń direktory Chjao Vei.
Atyraý oblysyndaǵy sý tasqynynan zardap sheken aimaqtarǵa Lianiýngan qalasynan kúrke, tósek oryn, qolǵap, rezeńke etik, kúrek jáne sý sorǵysh quraldar jetkizildi.
Eske sala ketelik, búginde Lianiýngandaǵy qytai-qazaq logistikalyq bazasy Qytai men Ortalyq Aziia arasyndaǵy taýar ainalymyn arttyryp jatyr.
