10 ماۋسىم كٷنٸ اتىراۋعا قىتايدىڭ شىعىس جاعالاۋىنداعى ٸرٸ ليانيۋنگان پورتىنان گۋمانيتارلىق كٶمەك جەتتٸ. بۇل تۋرالى اتىراۋ وبلىسىنىڭ تج جٶنٸندەگٸ جەدەل شتابى حابارلادى.
"قىتاي مەن قازاقستان - ۇزاق دوستىق تاريحى بار ٶركەنيەتتٸ مەملەكەتتەر. ليانيۋنگان مەن اتىراۋ اراسى الشاق بولعانىمەن, بۇل بايلانىسقا كەدەرگٸ بولا المايدى. بەلگٸلٸ بٸر سەبەپتەرمەن بٸزدٸڭ گۋمانيتارلىق كٶمەك سەل كەشٸگٸپ كەلدٸ. بٸراق بۇل ەكٸ ەل حالقىنىڭ بٸر-بٸرٸنە دەگەن قامقورلىعىن توقتاتا المايدى. بٷگٸن مەن ليانيۋنگان پورتىنىڭ اتىنان گۋمانيتارلىق كٶمەكتٸ اتىراۋ قالاسىنىڭ ەلەۋمەتتٸك دامۋ قورىنا اۋدارامىن", - دەدٸ ورتالىق ازيياداعى ليانيۋنگان پورتى ٶكٸلدٸگٸنٸڭ ديرەكتورى چجاو ۆەي.
اتىراۋ وبلىسىنداعى سۋ تاسقىنىنان زارداپ شەكەن ايماقتارعا ليانيۋنگان قالاسىنان كٷركە, تٶسەك ورىن, قولعاپ, رەزەڭكە ەتٸك, كٷرەك جەنە سۋ سورعىش قۇرالدار جەتكٸزٸلدٸ.
ەسكە سالا كەتەلٸك, بٷگٸندە ليانيۋنگانداعى قىتاي-قازاق لوگيستيكالىق بازاسى قىتاي مەن ورتالىق ازييا اراسىنداعى تاۋار اينالىمىن ارتتىرىپ جاتىر.
